SGKK ITI
Sanitariya, gigiyena va kasb kasalliklari ilmiy-tadqiqot instituti 1934-yil 16-iyulda tashkil etilgan. Hozirda institut direktori tibbiyot fanlari doktori, professor Kamilova Roza Tolanovna hisoblanadi. Institut O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasining davlat tasarrufidagi muassasasi hisoblanadi hamda ilmiy, klinik va dispanser bo‘linmalaridan iborat bo‘ladi. Institutda jami 169 nafar xodim ishlaydi. Institutning ilmiy qismida 27 nafar, shundan 18 nafar ilmiy xodim, jumladan, 9 nafar tibbiyot fanlari doktori va 4 nafar tibbiyot fanlari nomzodi ishlaydi. Institutning ilmiy bo‘linmasi tarkibiga 9 ta ixtisoslashgan laboratoriya kiradi.
Klinikasi
Institut klinikasining bosh shifokori, tibbiyot fanlari doktori, professor Hamrakulova Muqaddasxon Asqarovna boshchiligida kasbiy kasalliklarning turli shakllari bilan kasallangan shaxslarni tashxislash, davolash, dispanserizatsiya, kasbiy yaroqlilik ekspertizasi va tibbiy reabilitatsiya qilish, shuningdek, zararli ishlab chiqarish omillari ta’siri sharoitida ishlovchilarda kasbiy va umumiy kasalliklar profilaktikasi bo‘yicha ishlar olib borilmoqda. Klinika tarkibida 100 o‘rinli statsionar, yiliga 33 ming bemorga mo‘ljallangan dispanser, fizioterapevtik bo‘lim, 3 ta laboratoriya, dorixona, ovqatlanish bloki va boshqa yordamchi bo‘linmalar mavjud. Klinika jamoasi 85 nafar tibbiyot xodimidan iborat bo‘lib, ulardan 22 nafari shifokorlar, shu jumladan 3 nafari tibbiyot fanlari nomzodi va 18 nafari oliy va birinchi toifali mutaxassislardir. O‘rta tibbiyot xodimlarining 85 foizi malaka toifasiga ega. Tashxis qo‘yish va davolash tasdiqlangan standartlar va klinik protokollar bo‘yicha amalga oshiriladi. Kasbiy tashxis qo‘yilgan bemorlarni klinikada tekshirish va davolash bepul amalga oshiriladi. Bemorlarga davolash-maslahat yordami turli tor ixtisoslikdagi yuqori malakali shifokor-profpatologlar tomonidan ko‘rsatiladi. Quyidagilar klinika va dispanser bo‘limining asosiy vazifalari hisoblanadi: - zararli ishlab chiqarish omillari ta’siri sharoitida ishlayotgan kontingentni barvaqt aniqlash; - bemorlarning kasbi bilan bog‘liq kasalliklarini diagnostika qilish, keyinchalik kechayu kunduz va kunduzgi statsionarlarda davolanish, dispanserizatsiya, kasbga yaroqliligini ekspertiza qilish va kasb kasalliklarining turli shakllari bilan og‘rigan bemorlarni tibbiy reabilitatsiya qilish. Klinika xodimlari kasbiy patologiyaning turli shakllari bilan og‘rigan bemorlarni tekshirish va davolash standartlari va klinik protokollarini takomillashtirish masalalari bilan doimiy ravishda shug‘ullanadilar; respublika miqyosida kasb kasalligining axborot-tahliliy hisobini yuritadi; Sog‘liqni saqlash vazirligining 200-son buyrug‘iga muvofiq sanoat korxonalari va muassasalari xodimlarining kasbiy muvofiqligini aniqlash maqsadida profilaktik tibbiy ko‘riklar o‘tkazadi. Profilaktik tibbiy ko‘riklar klinika xodimlari tomonidan xo‘jalik shartnomalari asosida dispanser bo‘limi sharoitida va sanoat korxonalariga chiqqan holda o‘tkaziladi. Klinikada umumiy kasalliklarga chalingan shaxslar uchun pullik tibbiy xizmatlar tashkil etilgan. Klinika xodimlari sanoat korxonalarining tibbiy-sanitariya qismlariga va respublikaning barcha viloyatlaridagi davolash-profilaktika muassasalariga kasb patologiyasi masalalari bo‘yicha tashkiliy-uslubiy, maslahat va amaliy yordam ko‘rsatadilar. Kasbiy kasalliklar profilaktikasi bo‘yicha ilmiy-amaliy seminar va konferensiyalar, radio va televideniye orqali chiqishlar, aholining turli guruhlari bilan ma’ruza va suhbatlar doimiy ravishda o‘tkazilmoqda. Klinikaning funksional diagnostika laboratoriyasida bemorlar organizmi a’zolari va tizimlarining funksional holatini instrumental tekshirish, jumladan spirografiya, reoensefalografiya, reovazografiya, dinamometriya, kapillyaroskopiya va exoensefaloskopiya o‘tkaziladi. Rentgen va ultratovush diagnostika laboratoriyasi umumiy, kasbiy va kasbiy kasalliklar bilan og‘rigan shaxslar orasida a’zolar va tizimlardagi patologik o‘zgarishlarni aniqlash bo‘yicha tadqiqotlar olib boradi. Klinik-biokimyoviy laboratoriya bemorlar biologik materiallarining klinik va biokimyoviy tadqiqotlarini olib boradi. Fizioterapiya bo‘limi zamonaviy asbob-uskunalar yordamida bemorlarni davolash va reabilitatsiya qilish bilan shug‘ullanadi. Kasbiy kasalliklar klinikasi Toshkent tibbiyot akademiyasi va Tibbiyot xodimlarining kasbiy malakasini oshirish markazining o‘quv bazasi hisoblanadi.
I-PROFPATOLOGIYA BO‘LIMI
II-PROFPATOLOGIYA BO‘LIMI
PULLI TIBBIY XIZMATLAR BO‘LIMI
TASHKILIY-USLUBIY BO‘LIM VA TIBBIY STATISTIKA
ULTRATOVUSH VA RENTGENOLOGIK DIAGNOSTIKA BO‘LIMI
FIZIOTERAPEVTIK KABINET
KLINIK-BIOKIMYOVIY LABORATORIYA
FUNKSIONAL DIAGNOSTIKA BO‘LIMI
QABULDAGI YOZUV
.png)
.png)
.png)
.png)
.png)
.png)
.jpeg)
.jpeg)
.jpeg)
.jpeg)
